Нема спас од дождот: Какво време не чека до крајот од неделата

Променливо облачно време со сончеви периоди ќе преовладува денеска во Македонија. Попладне ќе има повремен дожд, а локално ќе биде и нестабилно со пороен дожд и грмежи.

Утринската температура ќе се движи од седум до 15 степени, а дневната ќе достигне од 18 до 26 степени. УВ индексот ќе изнесува 6.

Во Скопје слично време со локален дожд и услови за ретки грмежи попладне. Температурата ќе се движи од 11 до 25 степени.

Во наредните денови ќе продолжи периодот на променливо облачно време со повремен пороен дожд и грмежи. Во среда процесите ќе бидат поретки и со послаб интензитет, а од четврток условите за нестабилност повторно ќе се зголемуваат.